Umucikacumu Aimable Karasira Uzaramba yapfuye ku munsi yari kuva muri gereza

Aimable Uzaramba Karasira, wari uzwi cyane ku mbuga nkoranyambaga nka “Professor Nigga” kubw’ibikorwa bye by’ubuhanzi no kuvuganira rubanda, yapfiriye muri gereza i Kigali mu gihe yari amaze kurangiza igihano cy’igifungo cy’imyaka itanu yari yarakatiwe.
Urwego rw’u Rwanda rushinzwe amagereza, Rwanda Correctional Service, rwatangaje ko Bwana Karasira yapfiriye mu bitaro bya Nyarugenge nyuma y’icyo rwise « kunywa imiti irenze urugero rw’iyo yari yarandikiwe n’abaganga. » Ikinyamakuru The New Times, cyegereye ubutegetsi bw’u Rwanda, cyanditse ko Karasira yari yamaze gusinya impapuro zimufungura mbere y’uko apfa.