Ubufaransa bwongeye gufungura dosiye ya Agathe Habyarimana kuri Jenoside

Urukiko rw’Ubujurire rw’i Paris mu Bufaransa rwategetse ko hakomeza iperereza ku wahoze ari umufasha wa Perezida w’u Rwanda, Agathe Habyarimana, ku byaha akekwaho byo kugira uruhare muri Jenoside yakorewe Abatutsi mu 1994. Umwaka ushize, urukiko rw’ibanze rwari rwatesheje agaciro dosiye ruvuga ko nta bimenyetso bihagije bihari. Agathe Habyarimana, ubu uri mu myaka isaga 80, amaze imyaka myinshi aba mu Bufaransa kuva avanywe mu Rwanda n’abasirikare b’Abafaransa nyuma y’iyicwa rya Perezida Juvénal Habyarimana ryabaye imbarutso ya Jenoside.