Karidinali Kambanda mu Bubiligi: Ubutumwa ku Burezi bwa Afurika

Muri iki cyumweru, Antoine Kambanda, Umukaridinali w’Umunyarwanda akaba na Arikiyepisikopi wa Kigali, yagiriye uruzinduko rukomeye mu Bubiligi. Uru ruzinduko rwari rugamije gushimangira ubufatanye hagati y’amajyaruguru n’amajyepfo y’isi mu guteza imbere uburezi bufite ireme muri Afurika. Mu biganiro yagiranye n’abayobozi b’amadini, ab’uburezi n’abashinzwe politiki, hibanzwe ku burezi bw’abakobwa, ikoranabuhanga, amahugurwa y’abarimu n’uruhare rw’ishuri mu kubaka umuntu wuzuye. Mugenzi wacu Venuste Nshimiyimana araganira na Jean-Paul Niyigena, Umujyanama wa Papa mu bijyanye n’uburezi, akaba n’umuhuzabikorwa m’igihango cy’uburezi nyafurika kugira ngo asobanure icyo uru ruzinduko rusobanuye ku Rwanda no kuri Afurika.