"Uwahoze ari umushumba wa Diyosezi ya Goma , Mgr Faustin Ngabu azaherekezwa n’igihugu cyose".

Muri Repubulika ya demokarasi ya Kongo-- Mgr Faustin Ngabu , wahoze ari umushumba wa Diyosezi ya Goma witabye Imana ku cyumweru gishize afite imyaka 90, azashyingurwa kuri uyu wa gatandatu. Azaherekezwa n’igihugu cyose. Perezida Felix Tshisekedi yavuze ko “igihugu kizahora kibuka Musenyeri Faustin Ngabu nk’umunyagihugu wagihesheje ishema, umukozi w’Imana n’intumwa y’amahoro”. Ihuriro AFC/M23 naryo riribukana icyubahiro Mgr Faustin Ngabu rifata nk’ “umugaragu wabereye Imana, aharanira amahoro, iterambere n’ubumwe bw’Abanyekongo”. Abakiristu baganiriye na Radiyo Agasaro Kaburaga mu madini atandukanye baribuka umushumba w’impuhwe nyinshi.