Ally Yusufu Mugenzi arasaba Perezida Kagame gufungura imisigiti mu gihe cya Ramadhan

Ku munsi wa mbere w’igisibo cya Ramadhan, habaye ubutumwa bwagejejwe kuri Perezida w’u Rwanda Paul Kagame busaba ko imisigiti yafunzwe yafungurwa, kugira ngo Abayisilamu babashe gusenga uko bisanzwe. Ubutumwa bwashyizwe ahgaragaragara na Ally Yusuff Mugenzi, umuyisilamu, wahoze ari umunyakuru wa BBC ku rubuga nkoranyambaga rwa X buvuga ko iyi ari Ramadhan ya kabiri ikurikiranye Abayisilamu benshi mu Rwanda biyiriza ariko batemerewe gusengera hamwe mu misigiti, bikaba bigira ingaruka ku ishyirwa mu bikorwa ry’inkingi ya kabiri y’Idini ya Islam — isengesho.