Umuhungu w’umunyapolitiki utavuga rumwe n’ubutegetsi Victoire Ingabire Umuhoza ufunze, avuga ko yagejeje impungenge ze kuri Minisitiri w’Ubutabera w’u Rwanda no ku Muyobozi wa Komisiyo y’Igihugu y’Uburenganzira bwa Muntu, ku bijyanye n’ifungwa rye avuga ko rikorwa mu buryo bunyuranyije n’amategeko.
Remy Amahirwa yabitangaje nyuma yo kwitabira inama ya Loni izwi nka UPR, aho avuga ko ibihugu 16 byabajije u Rwanda ku ifungwa ry’abantu ridakurikije amategeko.
Yavuze ko abayobozi bamubwiye ko Urukiko rw’Ikirenga rwemeye kwakira ikirego cya Ingabire ku buryo yafashwemo, bakavuga ko bigaragaza ko ubucamanza bwigenga kandi ko azahabwa ubutabera.
