“Nta ndege n’imwe ishobora kugwa ku butaka bwa Kongo itarabanje kubona uburenganzira” : Patrick Muyaya

Umuvugizi wa Leta ya Repubulika ya demokarasi ya Kongo , Patrick Muyaya yatangaje uko Leta ya Kinshasa ifata ikibazo kijyanye n’ifungurwa ry’ikibuga cy’indege cya Goma . Patrick Muyaya avuga ko nta ndege n’imwe ishobora kugwa ku butaka bwa Kongo itarabanje kubona uburenganzira. Avuga kandi ko Leta ya Kongo izakorana n’imiryango itanga ubutabazi ndetse n’Umuryango w’Abibumbye kugira ngo barebe uko ubwo bufasha bwashyikirizwa abaturage bo mu burasirazuba bwa RDC. Minisitiri w’Ububanyi n’amahana w’u Rwanda , Olivier Jean-Patrick Nduhungirehe avuga ko gufungura ikibuga cy’indege cya Goma bitakorwa ihuriro AFC/M23 ritabigizemo uruhare.