Me Moise Nyarugabo aravuga ko gukatira Joseph Kabila igihano yo gupfa ari nko “kwikirigita ugaseka”.

Urukiko rukuru rwa gisirikare rwahamije Joseph Kabila wahoze ari Perezida wa Kongo icyaha cyo gushyigikira umutwe wa M23, ushinjwa ibikorwa by’ubwicanyi n’ibyaha ndengakamere mu burasirazuba bwa Kongo. Yari akurikiranyweho ibyaha by’intambara n’icyo kugambanira igihugu. Maître Moise Nyarugabo, ari mu mpuzamashyaka Front Commun pour le Congo (FCC), ishyigikiye Perezida Kabila. Yabwiye mugenzi wacu Venuste Nshimiyimana, ko gukatira Joseph Kabila igihano cyo gupfa ari kimwe no “kwikirigita ugaseka”, kandi ko bibangamiye inzira y’amahoro.