Iburanisha ku ifungwa n’ifungurwa ry’agateganyo rya Victoire Ingabire Umuhoza ryimuriwe ku itariki ya 15.

Umwanzurwo wafashwe n’Urukiko rw’Ibanze rwa Kicukiro, Mme Ingabire Umihoza umunyapolitiki utavuga rumwe na Leta amaze kugaragaza ko atagize umwanya uhagije wo kwiga dosiye yarezwemo n’ubushinjacyaha. Mme Ingabire yagaragarije urukiko ko dosiye y’ikirego y’Ubushinjacyaha yayibonye mu cyumweru gishize ku wa gatandatu, akaba atarabonye umwanya uhagije wo kuyisesengura. Yasabye kandi urukiko ko rwamusabira Urugaga rw’Abavoka mu Rwanda rukorohereza umunyamategeko we ukomoka muri Kenya kubona ibyangombwa byo kugira ngo amwunganire muri uru rubanza.