U Bufaransa – Imyigaragambyo y’abanyeshuri ikomeje umurego

Imyigaragambyo y’abanyeshuri bamagana imiterere y’amashuri mu Bufaransa yakwirakwiriye mu bice bitandukanye by’igihugu. Amashusho yafatiwe i Pantin no mu murwa mukuru Paris agaragaza za bariyeri n’ibikoresho byo mu muhanda byatwitswe, hamwe n’abigaragambya bahanganye n’abapolisi. Minisiteri y’Uburezi ivuga ko amashuri arenga 500 yahungabanyijwe n’iyi myigaragambyo, naho abakozi nibura 65 bakaba bakomerekeye muri izo mvururu. Abigaragambya bavuga ko amashuri afite abarimu bake, ibyumba by’amashuri byuzuye cyane ndetse n’inyubako zishaje zikeneye gusanwa.