“Ntitubabuza kuvugisha FDLR,ariko bavuge abo aribo nibyo bakoze”: Christophe Renzaho, umuyobozi wa CRF.

Ishyirahamwe ry’Abanyarwanda n’inshuti z’u Rwanda batuye mu Bufaransa ( CRF- Communauté rwandaise de France) bandikiye urwego rugenzura ibitangazamakuru bikoresha amashusho n’amajwi ( ARCOM) barugaragariza ko batishimiye ikiganiro radiyo mpuzamahanga y’Ubufaransa RFI yagiranye n’umutwe wa FDLR ( Forces démocratiques de libération du Rwanda).Umuyobozi wa CRF, Christophe Renzaho, yabwiye Radiyo Agasaro Kaburaga, ko ikibazo atari ukuvugisha FDLR, ati:”Ubanje gusobanura abo aribo n’ibyo bakoze, ushobora gukomeza kubera uburenganzira bw’itangazamakuru.