Agasaro: Kudeta 1973

« Ubutegetsi ntibwanyizeraga; bwatinyaga ko nzabwira amahanga uko imfungwa zifashwe » : Amb. Kabanda

Team Agasaro — Fri, 17 Jul 2026 03:14:16 GMT

Turakira ku nshuro ya kabiri Ambasaderi Célestin Kabanda, mu kiganiro « Abiyemeje kuvuga ukuri kuri Kudeta yo mu 1973 ».
Nyuma ya Kudeta yo mu 1973, Célestin Kabanda yagizwe Perefe wa Perefegitura ya Ruhengeri. Mu mpera z’umwaka wa 1974, yimuriwe kuba Perefe wa Perefegitura ya Gikongoro.
Ahamya ko, nubwo yari afitiwe icyizere kubera ubunararibonye yari afite mu kazi ka Leta, ubutegetsi bushya butamwizeraga. Avuga ko bwatinyaga ko yashoboraga kuzamenyesha amahanga ibyaberaga muri gereza ya Ruhengeri n’uburyo imfungwa zari zifashwe.
Mu 1976, yagizwe Ambasaderi w’u Rwanda muri Libiya. Mu 1979, yagizwe Ambasaderi muri Etiyopiya, anahagararira u Rwanda mu Muryango w’Ubumwe bwa Afurika, OAU.
Mu 1984, yasubiye i New York agirwa Ambasaderi w’u Rwanda mu Muryango w’Abibumbye, Loni, ari ubwa kabiri yari ahawe uwo mwanya. Mu 1988, yagizwe Ambasaderi w’u Rwanda mu Misiri, umwanya yakomejeho kugeza agiye mu kiruhuko cy’izabukuru mu 1991.
Muri iki kiganiro, Ambasaderi Kabanda avuga ko Leta y’u Rwanda yari ifite uruhare rutaziguye mu iyicwa ry’imfungwa za politiki. Ashimangira ko ukuri ku byabaye kugomba kuvugwa no kumenyekana, kugira ngo amateka atazibagirana cyangwa ngo agorekwe.

"Bangize Perefe wa Ruhengeri, mpava ntasuye gereza yari ifungiwemo abanyapolitiki": Amb.C.Kabanda

Venuste Nshimiyimana — Mon, 13 Jul 2026 20:40:43 GMT

Umutumirwa wacu mu ruhererekane rw'ibiganiro bigamije gusobanukirwa ukuri ku Kudeta yo ku wa 5 Nyakanga 1973 ni Ambasaderi Célestin Kabanda, umwe mu bayobozi bakuru bakoranye bya hafi na ba Perezida ba Repubulika ya Mbere. Yabaye Umunyamabanga wihariye wa Perezida Dominique Mbonyumutwa, nyuma aba Umunyamabanga wa Guverinoma ku butegetsi bwa Perezida Grégoire Kayibanda. Mu 1964, afite imyaka 28 gusa, yagizwe Ambasaderi w'u Rwanda muri Leta Zunze Ubumwe za Amerika, anahagararira u Rwanda muri Loni no muri Canada. Yabaye kandi Ambasaderi mu Bufaransa, Libiya, Ethiopia, Misiri no muri Loni inshuro ebyiri. Nyuma ya Kudeta yo mu 1973 yagizwe Perefe wa Ruhengeri, aho avuga ko n'ubwo yari umuyobozi w'iyo perefegitura, atigeze ahabwa uburenganzira bwo gusura gereza yari ifungiwemo abanyapolitiki. Ubu ahishura ibyo yiboneye n'ibyo azi ku bihe bikomeye u Rwanda rwanyuzemo nyuma y'iyo kudeta.

"Perezida Kayibanda yanze ko tuburizamo Kudeta": Lt. Christophe Hakizabera"

Venuste Nshimiyimana — Tue, 07 Jul 2026 03:24:59 GMT

Muri icyi kiganiro, Lt. Christophe Hakizabera aragaruka ku byaranze amasaha ya nyuma mbere ya kudeta yo ku wa 5 Nyakanga 1973. Avuga ko yasabye Perezida Kayibanda guhangana n’abashakaga gukora kudeta, maze ngo amusubiza agira ati: “Aho guha ubutegetsi Inyenzi, mureke Abakiga babufate; nibashaka batwice, batumare.”

Asobanura kandi uko yasubiye i Byumba avuye i Kigali hasigaye amasaha make ngo ubutegetsi buhinduke, n’uko Koloneli Kanyarengwe yageze ku kigo cya gisirikare cya Byumba ashakisha umupfumu wavugwaga ko aragurira abasirikare bakuru.

Aravuga kandi uko yirukanywe mu gisirikare, uko uwari Perefe wa Kibuye, Protais Zigiranyirazo, yamuburiye hakiri kare kugira ngo ahunge, icyo azi ku rupfu rwa Perezida Juvénal Habyarimana, uko yatahanye n’Inkotanyi mbere yo kongera guhunga, ndetse n’ubuhanuzi bwa Sebutaruka wavuze ko Inkotanyi zizataha Perezida Habyarimana amaze gupfa.

Ni ikiganiro kirimo ubuhamya n’ibitekerezo ku bihe by’ingenzi byaranze amateka y’u Rwanda.

“Abasirikare bategetswe kwica abari muri Leta ya Perezida Kayibanda barabitubwiye”: Col.Ndengeyinka

Venuste Nshimiyimana — Sun, 28 Jun 2026 01:37:07 GMT

Murakaza neza mu kiganiro cya cumi cyihariye: “Abiyemeje Kuvuga Ukuri kuri Kudeta ya 1973.”
Mu kiganiro cy’uyu munsi, turakira umutangabuhamya, Colonel BEM Balthazar Ndengeyinka. Turaganira ku ruhare abasirikare bagize mu kwica abafunzwe nyuma ya kudeta yo muri 1973.
Aratanga amakuru ku biciwe i Rwabayanga, n’abiciwe kuri Nyamagumba, ndetse n’uruhare rwa Lieutenant Sinon Habyarimana, urwa Sergent Reyo, urwa Kapiteni Buseruka, n’abandi, aho avuga ko bahabwaga amabwiriza na État-Major.
Colonel BEM Ndengeyinka, wakoranye na Colonel Laurent Serubuga, wari wungirije umugaba mukuru w’ingabo, avuga ko amaze kubwirwa na Sergent Reyo ko yategetswe kwica abanyapolitiki, yahise abwira abanyeshuri yayoboraga muri ESO ko nta musirikare ugomba kwemera kubahiriza amabwiriza ahabwa n’umumukuriye igihe ayo mabwiriza adakurikije amategeko.

“Perezida Kayibanda abaza Habyarimana ati: “Hazaba ka Kudeta ?”

Team Agasaro — Fri, 19 Jun 2026 16:06:14 GMT

Iki kiganiro kiribanda ku makuru Perezida Grégoire Kayibanda yari afite ku mugambi wo kumuhirika—amakuru yahawe na Aloys Rukebesha ubwe, nyuma yo kubona ko Padiri Naveau ashobora kuba afite umugambi mubisha.
Turagaruka kandi ku buryo Kayibanda yabajije Juvénal Habyarimana mu ruhame niba koko ategura kudeta—mu gihe hari hasigaye amezi atatu gusa ngo iyo k…

Maria Goretti Uwimana: « Ndavuga ibyo nabonye kandi numvise ku mfungwa za politiki ».

Venuste Nshimiyimana — Mon, 08 Jun 2026 19:27:11 GMT

Listen now | « Umugabo wanjye Capitaine Fransisko Burasa namubonanye impapuro zerekeye ubuzima bw’abari bafungiye mu Ruhengeri » : ubwo ni ubuhamya Mme Maria Goretti Uwimana yemeje gutanga kuri Kudeta yo muri 1973.Kuba Mme Uwimana yiyemeje gutanga ubuhamya nyuma y’imayaka 53, avuga ko yabigiriye gushaka « kworohereza umutwaro w ‘ububabre imiryango y’ababuze ababo ».

"Mgr A. Bigirumwami ntiyumvikanaga na Perezida G. Kayibanda”: Prof. Josias Semujanga

Venuste Nshimiyimana — Sun, 07 Jun 2026 00:05:12 GMT

Mu kiganiro cyacu cya cyenda, - abiyemeje kuvuga ukuri kuri kudeta yo muri 1973- turakira impuguke mu mateka, Prof. Josias Semujanga, yigisha muri Kaminuza y’i Montréal muri Canada. Turagaruka ku murage w’ukwemera wa Musenyeri A. Bigirumwami, ndetse no kuri Padiri Léon Naveau wazengurutse igihugu yitwaje ifumba y’urwango akagenda arukongeza mu mashuli hirya no hino mu gihugu, Kiliziya ntibimenye. Prof Semujanga aratanga kandi igisobanuro ku cyunamo cy’iminsi itatu cyubahirijwe mu gihugu hose Musenyeri Bigirumwami atabarutse ku itarki ya 3 Kamena 1986.

« Abanyagitarama bishwe urusorongo kandi inzego zose za Leta zarabimenye » : Sixbert Musangamfura

Team Agasaro — Sun, 24 May 2026 00:54:14 GMT

Mu kiganiro cyihariye cya munani, “Abiyemeje kuvuga ukuri kuri Kudeta yo muri 1973”, turakira Bwana Sixbert Musangamfura, wari umukuru w’ibiro by’igihugu bishinzwe iperereza muri guverinoma y’u Rwanda yari iyobowe na Nyakwigendera Faustin Twagiramungu(1994-1995). Aratanga ibitekerezo nyuma yo kumva ko uwo bakoze akazi kamwe, Bwana Augustin Nduwayezu wayobye ibyo biro (1984-1990) yavuze ko atazatanga anakuru ku bwicanyi bwakorewe “Abanyagitarama” mbere y’italiki ya gatandatu Ukwakira 2040. Musangamfura anashinja Capitaine F. Burasa kuba yarakubise urushyi Perezida Kayibanda. Avuga ko yamwiyumviye abyigamba.Arangiza avuga ko inzego za Leta harimo n’ibiro by’umukuru w’igihugu byamenye iby’ubwicanyi bwibasiye abitwa “Abanyagitarama”.

Amb. Segasayo: “Leta twarimo ni yo yishe ‘Abanyagitarama’” A. Nduwayezu: “Nzabivuga muri 2040”

Team Agasaro — Wed, 20 May 2026 00:47:16 GMT

Umwe mu biyemeje kuvuga ukuri kuri Kudeta yo muri 1973, Ambasaderi Max Segasayo aratanga umucyo ku bwicanyi bwakorewe abaturage bamwe biswe “Abanyagitarama”. Avuga icyaha (responsabilité pénale) ari gatozi. Ati: “abagize uruhare mu kubica bagomba gukurikiranwa mu butabera”.
Ku bijyanye n’uburyozwe bwa politiki (responsabilité politique), kuri ubwo bwicanyi bwabye kuri Leta ya Perezida J.Habyarimana. Ati: “nanjye nari nyirimo”.
Umwe mu bayobozi b’ikigo k’igihugu gishinzwe iperereza , Augustin Nduwayezu, cyari gifita amakuru ku bwicanyi bwakozwe nyuma ya Kudeta , avuga ko adashobora kugira icyo atangaza mbere y’itariki ya 6 Ukwakira 2040. Aloys Rukebesha we, utanga amakuru adategwa, aremeza ko Padiri Naveau yagarutse mu Rwanda muri 1972 aje gutegura ihirikwa ry’ubutegetsi bwa Perezida Kayibanda.

Prezida Grégoire Kayibanda na Musenyeri Aloys Bigirumwami bapfaga iki?

Team Agasaro — Sun, 10 May 2026 03:00:37 GMT

Uyu munsi kuri Radio Agasaro Kaburaga turakira Ambasaderi Max Segasayo, wahoze ahagarariye u Rwanda muri Kanada hagati ya 1991 na 1995, akaba n’inzobere mu mateka y’u Rwanda. Aragaruka ku mubano wari hagati ya Perezida Grégoire Kayibanda na Musenyeri Aloys Bigirumwami mbere ya Kudeta yo mu 1973. Amb. Segasayo arasobanura uko umuryango SECA wavutse, ukabyara Comité de Salut Public yakwirakwije ivangura mu mashuri no mu kazi. Aranavuga kandi kuri Padiri Léon Naveau, umusaserdoti w’Umubiligi uvugwaho kugira uruhare mu mvuru zagejeje ku ihirikwa rya Perezida Kayibanda.

Mutimura: “Prezida Kayibanda yahoshaga imvururu |Abategura Kudeta bazenyegeza

Team Agasaro — Wed, 06 May 2026 03:36:39 GMT

Uyu munsi, mu ruhererekane “Abiyemeje Kuvuga Ukuri kuri Kudeta ya 1973,” turagaruka ku ruhare rwa Padiri Léon Naveau mu bihe byabanjirije kudeta.

Uyu mupadiri waturutse mu Bubiligi mu 1953, yirukanywe mu Rwanda mu 1968, ariko agaruka mu ibanga mu 1972 yiyita umunyamakuru.

Yifashishije Radio Rwanda n’urubyiruko rw’amashuri, ashyiraho imitwe yiswe Comités de Salut Public, yavugaga ko igamije “gukiza rubanda”, ariko ishinja ubutegetsi gutonesha Abatutsi.

Iyi mitwe yakwirakwije imvururu mu mashuri no mu nzego za Leta, bigatuma abanyeshuri n’abakozi benshi birukanwa.

Abatangabuhamya barimo Aloys Rukebesha na Jean Marie Mutimura bagaruka kuri ayo mateka, mu gihe n’abandi bavugwaho uruhare muri ibyo bikorwa bagiye bagaragara mu buyobozi bw’igihugu nyuma ya Kudeta.

Padiri Nsengimana: “Musenyeri Bigirumwami ni we warihiye amashuli Perezida Habyarimana.”

Team Agasaro — Tue, 05 May 2026 03:59:30 GMT

Umwe mu bagize umuryango wa Musenyeri Aloys Bigirumwami yatanze ibisobanuro ku gisigo uwo wahoze ari Umushumba wa Diyosezi ya Nyundo yageneye Perezida Juvénal Habyarimana, yamugeneye mu murage we w’ukwemera.

Padiri Jean Bosco Nsengimana Muligo, umusaseridoti akaba n’umumisiyoneri w’umutima mutagatifu wa Yezu na Mariya uri mu gihugu cya Argentine, asobanu…

Kuki Mgr Bigirumwami yegujwe mbere ya Kudeta? | Uruhare rwa P. Naveau | Operasiyo “gutwara amabandi"— EP3

Team Agasaro — Fri, 01 May 2026 01:31:18 GMT

Mu gice cya gatatu cy’uruhererekane “Abiyemeje Kuvuga Ukuri kuri Kudeta ya 1973,” turagaruka ku buhamya bukomeye bushya.
Nyuma ya kudeta, abayobozi benshi ba Leta ya Perezida Kayibanda barafashwe, bafungirwa hirya no hino—Kigali, Gikongoro, Cyangugu, Gisenyi na Ruhengeri—mbere yo kwimurirwa hamwe muri gereza ebyiri gusa: Gisenyi na Ruhengeri.
Umutangabuhamya avuga ko hari operasiyo yiswe “gutwara amabandi,” aho abafungwa bajyanwaga nijoro mu kajugujugu zaturukaga ku Etat-major i Kigali, zigahaguruka mu gicuku zikagaruka mu rukerera. Abandi bagatwarwa mu majipe ya gisirikare.
Mu gice cya kabiri, turasesengura uruhare rwavugwaga rwa Padiri Léon Naveau, uvugwaho gukorana n’abasirikare bakuru mu gutegura ihirikwa ry’ubutegetsi.
Turasesengura kandi igisingizo musenyeri Bigirumwanyi yaraze Jenerali Habyarimana
Ibi ni ubuhamya bukomeje gufungura amateka y’ukuri ku byabaye muri 1973.

Kudeta ya 1973: Padiri Naveau, Kiliziya n’Ibibazo Bitarasubizwa — EP2

Venuste Nshimiyimana — Thu, 30 Apr 2026 02:06:01 GMT

Murakaza neza mu kiganiro cya kabili cyihariye: “Abiyemeje Kuvuga Ukuri kuri Kudeta ya 1973.”
Uyu munsi turakomeza gucukumbura uruhare rwa Kiliziya Gatolika n’u Bubiligi muri iyo Kudeta yahinduye amateka y’u Rwanda. Ibyo tubisesengura dushingiye ku buhamya n’amateka ya Padiri Léon Naveau — umupadiri wo mu muryango Fidei Donum, ukomoka muri diyosezi ya Li…

Kudeta ya 1973: Ubuhamya Bushya Bugaragaza Ibanga Rikomeye ryari Rihishwe — EP1

Venuste Nshimiyimana — Thu, 30 Apr 2026 02:00:44 GMT

Murakaza neza kuri Radiyo Agasaro Kaburaga. Uyu munsi dutangije urukurikirane rwihariye rw’ibiganiro: “Abiyemeje Kuvuga Ukuri kuri Kudeta ya 1973.”
Iki kiganiro gitangiye nyuma y’ubuhamya bwagaragaje ubutwari bwa Sergent-Major Ananie Ngirumpatse, wafunzwe azira gufasha abanyapolitiki bari bafungiye i Gisenyi.
Nyuma yacyo, twaganiriye n’umutangabuhamya wihariye wakurikiraniye hafi ibyabereye muri gereza za Ruhengeri na Gisenyi. Yadusobanuriye uko imfungwa zafatwaga, imibereho yazo, n’uburyo urupfu rwandikwaga — ariko ku mpamvu z’umutekano, amazina ye yagizwe ibanga.
Uyu munsi turibanda ku ruhare ruvugwa rwa Kiliziya Gatolika n’u Bubiligi muri Kudeta ya 1973, dushingiye ku mateka ya Padiri Léon Naveau.
Radiyo Agasaro Kaburaga izajya ibagezaho buri munsi ubuhamya n’isesengura ryimbitse.