Agasaro

Amerika yafatiye ibihano abasirikare bakuru ba M23 na FDLR

Team Agasaro — Thu, 04 Jun 2026 00:00:00 GMT

Leta Zunze Ubumwe za Amerika zatangaje ibihano bishya byafatiwe abayobozi bakuru bo mu mutwe wa M23 ndetse n’umutwe wa FDLR, mu rwego rwo kongera igitutu ku mitwe yitwaje intwaro ikomeje gukorera mu burasirazuba bwa Repubulika ya demokarasi ya Kongo. Washingtoni ivuga ko ibi bihano bigamije gushyigikira ishyirwa mu bikorwa ry’amasezerano y’amahoro yasinyiwe i Washington hagati y’u Rwanda na Kongo umwaka ushize.

Agasaro Actu 03.06.2026

Venuste Nshimiyimana — Wed, 03 Jun 2026 02:36:19 GMT

Listen now |

Mukure Imana muri Jenoside: Ibisonanuro by’Inararibonye Rutaraemana ku Banyarwanda

Venuste Nshimiyimana — Wed, 03 Jun 2026 02:11:54 GMT

Mu minsi ishize, mu muhango wo kwibuka Jenoside yakorewe Abatutsi ku nshuro ya 32 , Tito Rutaremara , umwe mu banyapolitiki bafite amateka akomeye mu rugamba rwo guhagarika Jenoside yavuze amagambo yateje impaka aho yasabye ko Imana yakurwa mu bisobanuro bya Jenoside, avuga ko Jenoside yakozwe n’abantu, igahagarikwa n’abantu. Yanasabye abanyamadini kwisuzuma ku ruhare rwabo mbere no mu gihe cya Jenoside. Uyu munsi turi kumwe na Tito Rutaremara, umuyobozi mukuru w’urwego rw’igihugu ngishwanama rw’inararibonye, kugira ngo asobanure neza ibyo yavuze aduhe ibisobanuro abona amagambo ye afite ku mateka, ku kwizera no ku rugendo rwo kwiyubaka kw’Abanyarwanda.

U Rwanda ku ngamba ebyiri: Victoire Ingabire muri Oslo, “Visit Rwanda” mu Mukino wa Nyuma wa UEFA.

Team Agasaro — Mon, 01 Jun 2026 12:44:29 GMT

Amafoto y’umunyapolitiki utavuga rumwe n’ubutegetsi bw’u Rwanda, Victoire Ingabire Umuhoza, yashyizwe ahagaragara mu mihanda y’umujyi wa Oslo muri Noruveje hitegurwa inama ya Oslo Freedom Forum, iteganyijwe guhera kuri uyu wa mbere tariki ya 1 kugeza ku ya 3 Kamena. Irahuza impirimbanyi, abaharanira uburenganzira bwa muntu n’abaharanira demokarasi baturutse hirya no hino ku isi.

Binyuze mu bukangurambaga bw’ubukerarugendo bwa “Visit Rwanda”, u Rwanda rwungukiye mu mukino wa nyuma: Arsenal na Paris Saint-Germain warebwe n’amamiliyoni y’abantu. Impuguke mu by’ubukungu , Aimé Muligo Sindayigaya arabisobanura.

Ubwongereza bwatsinze u Rwanda mu rubanza ku masezerano y’abimukira

Team Agasaro — Mon, 01 Jun 2026 11:33:15 GMT

Guverinoma y’Ubwongereza yatsinze urubanza rukomeye nyuma y’uko urukiko mpuzamahanga rwemeje ko itagomba kwishyura u Rwanda miliyoni z’amapawundi rwasabaga nyuma y’iseswa ry’amasezerano yo koherezayo abasaba ubuhungiro.

Aya masezerano yari yarashyizweho umukono na guverinoma y’Abakonserivateri, agamije kohereza mu Rwanda bamwe mu bimukira n’abasaba ubuhungiro binjiye mu Bwongereza mu buryo butemewe n’amategeko. Ariko Minisitiri w’Intebe Keir Starmer yayahagaritse akimara kujya ku butegetsi.

U Rwanda rwari rwasabye indishyi zirenga miliyoni ijana z’amapawundi, ruvuga ko rwari rwarakoresheje amafaranga menshi mu gutegura uwo mushinga kandi ko Ubwongereza butubahirije ibikubiye mu masezerano.

Abunganira Ubwongereza bo babwiye urukiko ko byari ibisanzwe ko guverinoma nshya y’Abakozi ihagarika gahunda itemeranyaga na yo, kandi ko nta yandi mafaranga yagombaga kwishyurwa. Urukiko rwemeje uwo mwanzuro, rwanga ubusabe bw’u Rwanda.

Uyu mwanzuro usoje indi ntambwe mu mpaka zimaze igihe ku bijyanye na politiki y’abimukira, imwe mu ngingo zakomeje guteza impaka zikomeye muri politiki y’Ubwongereza.

“Kuba Perezida Kabila yaranyuze i Goma ataha ni ubugambanyi”: Depite Lévis Rukema

Team Agasaro — Tue, 26 May 2026 23:25:53 GMT

Ibibazo bya politiki n’umutekano mu burasirazuba bwa Repubulika Iharanira Demokarasi ya Congo byongeye gukomera nyuma y’uko uwahoze ari Senateri wa Congo, Moïse Nyarugabo, asohoye itangazo rishya rinenga inzego z’ubutegetsi i Kinshasa.

Moïse Nyarugabo yashimye kandi ishingwa ry’ihuriro rishya ryiswe “Coalition Article 64 pour la Défense de l’Ordre Constitutionnel”, risaba ishyirwa mu bikorwa rikomeye ry’ingingo ya 64 y’Itegeko Nshinga rya Congo.

Honorable Lévis Rukema Makangura, depite mu nteko nshingamategeko y’igihugu aramagana abadashyigikiye gahunda yo guhindura itegeko nshinga. Akavuga ko uwahoze ari Prezida wa Congo, Joseph Kabila “yagiye mu mugambi wo kugambanira igihugu kuko yatashye anyuze mu burasirazuba bwacyo”.

Mu kiganiro na Mugenzi wacu Venuste Nshimiyimana Hon. Rukema avuga ko “bafite umugambi wo gukomeza yumwiryane n;intambara mu gihugu”.

Senegali: Ousmane Sonko avuye ku buyobozi bwa guverinoma ajya mu Nteko Ishinga Amategeko

Team Agasaro — Mon, 25 May 2026 18:54:33 GMT

Perezida wa Sénégal, Bassirou Diomaye Faye, yirukanye Minisitiri w’Intebe Ousmane Sonko ndetse asesa guverinoma yose, mu cyemezo gishobora kongera umwuka w’ubwumvikane buke no kudindiza ibikorwa by’ubukungu n’imishyikirano n’Ikigega Mpuzamahanga cy’Imari, FMI.

Itangazo ryasomwe n’umujyanama wa Perezida kuri televiziyo ya leta ryavuze ko abaminisitiri bose birukanwe, guverinoma icyuye igihe igakomeza gukora imirimo ya buri munsi mu gihe hagitegerejwe indi guverinoma nshya.

Kuri uyu wa kabiri, abadepite baratora abagize biro y’Inteko Ishinga Amategeko. Umwanya wa Perezida ushobora guhabwa Ousmane Sonko.Ishyaka rye rya Pastef rifite ubwiganze mu Nteko.

« Abanyagitarama bishwe urusorongo kandi inzego zose za Leta zarabimenye » : Sixbert Musangamfura

Team Agasaro — Sun, 24 May 2026 00:54:14 GMT

Mu kiganiro cyihariye cya munani, “Abiyemeje kuvuga ukuri kuri Kudeta yo muri 1973”, turakira Bwana Sixbert Musangamfura, wari umukuru w’ibiro by’igihugu bishinzwe iperereza muri guverinoma y’u Rwanda yari iyobowe na Nyakwigendera Faustin Twagiramungu(1994-1995). Aratanga ibitekerezo nyuma yo kumva ko uwo bakoze akazi kamwe, Bwana Augustin Nduwayezu wayobye ibyo biro (1984-1990) yavuze ko atazatanga anakuru ku bwicanyi bwakorewe “Abanyagitarama” mbere y’italiki ya gatandatu Ukwakira 2040. Musangamfura anashinja Capitaine F. Burasa kuba yarakubise urushyi Perezida Kayibanda. Avuga ko yamwiyumviye abyigamba.Arangiza avuga ko inzego za Leta harimo n’ibiro by’umukuru w’igihugu byamenye iby’ubwicanyi bwibasiye abitwa “Abanyagitarama”.

Inkoranya y’amateka atagoretse uko yanditswe na François-Xavier Gasimba

Venuste Nshimiyimana — Fri, 22 May 2026 16:01:14 GMT

Umunyarwanda Mwalimu François-Xavier Gasimba amaze gushyira ahagaragara igitabo cy’inkoranya y’amateka y’u Rwanda yise “Indorerwamo y’amateka y’u Rwanda”. Ni igitabo cy’amateka kuva u Rwanda rwabaho kugeza magingo aya. F. X. Gasimba,umwanditsi, inzobere mu muco, ubuvanganzi, n’amateka aravuga ko igitabo yanditse kigamije gutanga ishuhso y’amnateka y’u Rwanda atagoretse.

Hagati aho aho u Rwanda na Leta Zunze Ubumwe za Amerika byashyize umukono ku masezerano y’ubufatanye mu gukoresha ingufu za nikleyeri mu bikorwa bya gisivili, ibintu bishobora gufungura inzira yo kubaka uruganda rwa nikeleyeri mu Rwanda. Slyvestre Nsengiyumva, impuguke muri politiki mpuzamahanga arabisobanura.

Abayobozi b’Abanyamulenge barashinja u Rwanda guteza ibibazo muri Kongo

Venuste Nshimiyimana — Thu, 21 May 2026 03:07:04 GMT

Abayobozi b’umuryango w’Abanyamulenge uba i Kinshasa barashinja u Rwanda n’ihuriro AFC/M23 gukora ibyo bise “kwivana mu kibaya cya Rusizi bya Nyirarureshwa”, bavuga ko ingabo zitavuye muri Kivu y’Epfo ahubwo zagiye kwisuganya mu bindi bice by’iyo ntara. Mu itangazo ryashyizwe ahagaragara kuri uyu wa kabiri, bavuga ko izo ngabo zerekeje mu bice bya Minembwe no hafi y’ikirombe cya zahabu cya Twangiza.
Iryo tangazo ryashyizweho umukono na Enock Ruberangabo Sebineza na Jean Scohier Muhamiriza rinashinja Kigali gukoresha ikibazo cy’Abanyamulenge mu nyungu za politiki n’intambara kuva intambara zo muri Congo zatangira mu myaka ya 1990.
Abo bayobozi barasaba amahanga, harimo Leta Zunze Ubumwe za Amerika, Akanama k’Umutekano ka ONU n’Umuryango wa Afurika Yunze Ubumwe, gushyira igitutu ku Rwanda no gushyigikira inzira y’amahoro binyuze mu biganiro hagati y’imiryango ituye mu burasirazuba bwa Congo.

Amb. Segasayo: “Leta twarimo ni yo yishe ‘Abanyagitarama’” A. Nduwayezu: “Nzabivuga muri 2040”

Team Agasaro — Wed, 20 May 2026 00:47:16 GMT

Umwe mu biyemeje kuvuga ukuri kuri Kudeta yo muri 1973, Ambasaderi Max Segasayo aratanga umucyo ku bwicanyi bwakorewe abaturage bamwe biswe “Abanyagitarama”. Avuga icyaha (responsabilité pénale) ari gatozi. Ati: “abagize uruhare mu kubica bagomba gukurikiranwa mu butabera”.
Ku bijyanye n’uburyozwe bwa politiki (responsabilité politique), kuri ubwo bwicanyi bwabye kuri Leta ya Perezida J.Habyarimana. Ati: “nanjye nari nyirimo”.
Umwe mu bayobozi b’ikigo k’igihugu gishinzwe iperereza , Augustin Nduwayezu, cyari gifita amakuru ku bwicanyi bwakozwe nyuma ya Kudeta , avuga ko adashobora kugira icyo atangaza mbere y’itariki ya 6 Ukwakira 2040. Aloys Rukebesha we, utanga amakuru adategwa, aremeza ko Padiri Naveau yagarutse mu Rwanda muri 1972 aje gutegura ihirikwa ry’ubutegetsi bwa Perezida Kayibanda.

“Felisiyani Kabuga atabarutse nta cyaha ahamijwe n’Inkiko”, Me Emmanuel Altit

Venuste Nshimiyimana — Tue, 19 May 2026 00:36:06 GMT

Umunyamategeko w’umufaransa Me Emmanuel Altit, umwunganizi mukuru mu itsinda ryunganiraga Félicien Kabuga yatangaje ko ibihugu bitubahirije inshingano zabyo zo gufatanya n’Urwego mpuzamahanga rwashyiriweho gukora imirimo y’insigarira y’inkiko mpanabyaha rw’i La Haye mu Buholandi.

Mu kiganiro kihagariye na radiyo Agasaro Kaburaga, Me Emmanuel Altit yavuze kandi ko uwo yunganiraga atabarutse agifatwa nk’umwere kuko nta mwanzuro wa nyuma urangiza urubanza wigeze ufatwa.

Yagize ati: “ ntabwo umuntu yahita aba umunyacyaha kubera gusa ko hari ibyo ashinjwa. Ni nyuma y’urubanza rwa nyuma ni bwo hamenyekana niba koko yarakoze ibyaha cyangwa atarabikoze:

Hari abavuga ko kubera uburemere bw’ibirego yashinjwaga, icy’ingenzi cyagombaga kuba ubutabera ku barokotse Jenoside.

Agasaro Actu 18.05.202

Team Agasaro — Mon, 18 May 2026 15:04:59 GMT

Listen now |

« U Rwanda rukomeje kwagurirwa Afurika itagira imipaka », Minisitiri Nduhungirehe

Team Agasaro — Mon, 18 May 2026 07:46:58 GMT

Ambasaderi Olivier Jean-Patrick Nduhungirehe yavuze ko u Rwanda rukomeje gushyira imbere gahunda ya Afurika itagira imipaka, ashimangira ko koroshya urujya n’uruza rw’abantu ari imwe mu nkingi z’iterambere ry’umugabane.

Mu kiganiro cyihariye yagiranye na Radio Agasaro Kaburaga, Minisitiri w’Ububanyi n’Amahanga n’Ubutwererane w’u Rwanda yavuze ko icyemezo cyafashwe n’ibihugu bya Botswana na Nijeriya cyo gukuriraho Abanyarwanda visa ari intambwe ikomeye mu guteza imbere ubufatanye bw’ibihugu bya Afurika.

Ibi bibaye mu gihe u Rwanda rumaze imyaka rushyizeho gahunda yo kwakira Abanyafurika bose badasabye visa mbere yo kwinjira mu gihugu. Iyo gahunda kandi yahawe abaturage b’ibihugu bigize Commonwealth ndetse n’Umuryango w’Ibihugu bikoresha Igifaransa, Francophonie.

Minisitiri Nduhungirehe yavuze ko Afurika ifunguye imipaka izafasha guteza imbere ubucuruzi, ubukerarugendo, ishoramari ndetse n’imikoranire hagati y’abaturage b’ibihugu bitandukanye.

Yagize ati Afurika idafite inzitizi nyinshi ku mipaka ari yo izashobora guhangana ku rwego mpuzamahanga no guteza imbere ubukungu bwayo.

Mu minsi ishize, u Rwanda rwakomeje kugaragaza ko rushyigikiye gahunda zihuza Afurika, harimo isoko rusange rya Afurika AFCFTA ndetse n’ingendo zoroshye hagati y’ibihugu.

Abasesenguzi bavuga ko koroshya visa hagati y’ibihugu bya Afurika bishobora gufasha urubyiruko, abacuruzi n’abashoramari kubona amahirwe mashya no kongera ubufatanye ku mugabane.

Rusesabagina yavuze ko yanze umwanya wa Visi-Perezida w’u Rwanda

Team Agasaro — Sun, 17 May 2026 22:03:17 GMT

Umunyapolitiki utavuga rumwe n’ubutegetsi bw’u Rwanda, Paul Rusesabagina, yatangaje kuri uyu wa gatandatu ko yanze imyanya ikomeye yari yahawe mu buyobozi bw’u Rwanda, harimo n’uwo kuba Visi-Perezida, ahitamo gukomeza ibyo yise “guharanira ukwishyira ukizana kwa politiki.”

Rusesabagina yavuze ibi mu ijambo yagejeje ku Banyarwanda bagera ku 150 baturutse hirya no hino mu Burayi, aho yagarutse ku rugendo rwe rwa politiki, imyaka yamaze afunzwe mu Rwanda, ndetse n’icyerekezo abona ku hazaza h’igihugu.

Yavuze ko igihe yari afunze hari ibiganiro byabaye hagati ye n’inzego z’ubutegetsi, ndetse ko yigeze gusabwa kwemera imyanya ikomeye mu buyobozi bw’igihugu kugira ngo afungurwe. Ariko yavuze ko yabyanze, ahitamo “kugumana amahame ye” no gukomeza gufungwa aho kwemera ibyo atemeranyaho.

Mu ijambo rye, Rusesabagina yabanje kuvuga ku ishimwe rikomeye yaherewe i Berlin mu Budage mu kwezi kwa kabiri uyu mwaka. Iryo shimwe ryatanzwe n’umuryango mpuzamahanga Cinema For Peace and Democracy, uyoborwa ubu na Hillary Clinton, umugore wa Bill Clinton wahoze ari Perezida wa Leta Zunze Ubumwe za Amerika.

Yavuze ko icyo gihembo agifata nk’ikimenyetso cy’uko hari abantu ku rwego mpuzamahanga bakomeje gushyigikira uburenganzira bwa muntu, ubutabera na demokarasi.

Rusesabagina yanongeye kuvuga ku buryo yafatiwe i Dubai mu mwaka wa 2020 mbere yo kujyanwa mu Rwanda, aho yavuze ko yafunzwe mu buryo bunyuranyije n’amategeko mpuzamahanga.

Yashimiye cyane umugore we Tatiana Rusesabagina, abakobwa be Carine Kanimba na Diane Rusesabagina, ndetse n’abandi bose bakoze ubuvugizi kugira ngo ikibazo cye kimenyekane ku rwego mpuzamahanga.

Mu gusoza ijambo rye, Paul Rusesabagina yahamagariye abanyapolitiki batavuga rumwe n’ubutegetsi hamwe n’imiryango ya sosiyete sivile kunga ubumwe no gutegura ejo hazaza h’u Rwanda, ashimangira ko urubyiruko rugomba kugira uruhare rukomeye muri izo mpinduka.

Félicien Kabuga yitabye Imana i La Haye aho yari afungiye

Team Agasaro — Sun, 17 May 2026 00:14:38 GMT

Urwego mpuzamahanga rw’Umuryango w’Abibumbye rushinzwe gukurikirana ibyaha bikomeye by’intambara n’itsembabwoko rwatangaje kuri uyu wa gatandatu ko Félicien Kabuga yapfuye ari mu bitaro i La Haye mu Buholandi, aho yari afungiye.

Mu itangazo ryashyizwe ahagaragara n’Urwego Mpuzamahanga Rwasigariyeho Inkiko Mpanabyaha, IRMCT, havugwa ko umuganga w’ishami ry’Umuryango w’Abibumbye rifungiramo abaregwa yahise amenyeshwa urupfu rwa Kabuga, kandi ko inzego z’u Buholandi zatangiye iperereza n’izindi gahunda zisanzwe ziteganywa n’amategeko y’icyo gihugu.

Perezida w’uru rwego, umucamanza Graciela Gatti Santana, yahise ategeka ko hakorwa iperereza ryimbitse ku cyateye urupfu rwa Kabuga. Iryo perereza ryahawe Umucamanza Alphons Orie.

Félicien Kabuga w’inyaka 90, wari umucuruzi ukomoka mu Rwanda, yashinjwaga ibyaha bya jenoside, umugambi wo gukora jenoside, gushishikariza abantu gukora jenoside, ndetse n’ibyaha byibasiye inyokomuntu birimo itoteza, itsembatsemba n’ubwicanyi, byose bifitanye isano na Jenoside yakorewe Abatutsi mu 1994.

Urukiko Mpuzamahanga Mpanabyaha rwashyiriweho u Rwanda, rwari rwaramushyiriyeho impapuro zo kumuta muri yombi muri Mata 2013. Nyuma y’imyaka myinshi yari amaze yihisha, yatawe muri yombi mu Bufaransa ku wa 16 Gicurasi 2020, aza koherezwa i La Haye mu Ukwakira uwo mwaka.

Urubanza rwe rwatangiye muri Nzeri 2022. Ariko muri Kanama 2023, abacamanza banzuye ko ubuzima bwe butagishoboye gutuma aburana, bituma urubanza ruhagarikwa igihe kitazwi. Nubwo bimeze bityo, yakomeje gufungirwa mu kigo cy’Umuryango w’Abibumbye mu gihe hategerejwe igihugu cyamwakira kugira ngo arekurwe by’agateganyo.

Félicien Kabuga atabarutse agitegereje koherezwa mu gihugu cyakwemera kumwakira.

Urwego IRMCT rwashyizweho n’Akanama k’Umutekano ka Loni kugira ngo rukomeze inshingano z’Inkiko Mpanabyaha Mpuzamahanga zari zarashyiriweho u Rwanda n’icyahoze ari Yugoslavia nyuma y’ifungwa ryazo.

Umurage wa Aimable Uzaramba Karasira

Team Agasaro — Fri, 15 May 2026 01:09:40 GMT

Aimable Karasira Uzaramba, wari uzwi nk’imprimbanyi y’uburenganzira bwa muntu, yashyinguwe kuri uyu wa kane mu irimbi rya Rusororo. Karasira, wari ufite imyaka 49, yapfiriye muri gereza i Kigali mu gihe yari amaze kurangiza igihano cy’igifungo cy’imyaka itanu yari yarakatiwe.

Urwego rw’u Rwanda rushinzwe amagereza, Rwanda Correctional Service (RCS), rwatangaje ko Bwana Karasira yapfiriye mu bitaro bya Nyarugenge nyuma y’icyo rwise “kunywa imiti irenze urugero rw’iyo yari yarandikiwe n’abaganga.” Urwo rwego rwavuze kandi ko “rutegereje raporo y’abaganga ku cyateye uru rupfu.”

Ikinyamakuru The New Times, cyegereye ubutegetsi bw’u Rwanda, cyanditse ko Karasira, wari uzwi cyane ku mbuga nkoranyambaga nka “Professor Nigga” kubera ibikorwa bye by’ubuhanzi no kuvuganira rubanda, yari yamaze gusinya impapuro zimufungura mbere y’uko apfa.

Ishyirahamwe Human Rights Watch rirengera uburenganizra bwa muntu ryasabye ubuyobozi bw’u Rwanda ko hakorwa iperereza ryimbitse, ryigenga kandi ryatangaza ibyo ryagenzeho ku rupfu rwa Aimable Karasira Uzaramba.

‘Dore impamvu AFC/M23 yavuye mu kibaya cya Rusizi », Franck Mwine

Venuste Nshimiyimana — Wed, 13 May 2026 02:09:42 GMT

Muri Uganda, Perezida Yoweri Museveni yarahiriye indi manda y’imyaka irindwi, akomeza ubutegetsi amazeho hafi imyaka 40. Mu gihe umuhungu we, Jenerali Muhoozi Kainerugaba, akomeje kuvugwa nk’ushobora kuzamusimbura, Kampala inakomeje gushimangira ubufatanye bwayo na Repubulika ya Demokarasi ya Kongo binyuze mu masezerano mashya y’ubucuruzi, umutekano n’iterambere. Umusesenguzi uhoraho wa Radio Agasaro Kaburaga Frank Mwine arasobanura impamvu abarwanyi b’ihuriro AFC M23 bavuye mu kibaya cya Rusizi.

Agasaro Actu 11.05.26

Team Agasaro — Mon, 11 May 2026 04:52:49 GMT

Listen now |

Abayobozi b’Abanyamulenge barashinja u Rwanda gukoresha nabi umuryango wabo mu ntambara

Venuste Nshimiyimana — Mon, 11 May 2026 04:18:17 GMT

Abayobozi babiri b’umuryango w’Abanyamulenge muri Repubulika ya Demokarasi ya Congo barashinja u Rwanda gukoresha abaturage babo kugirango basobanure “impamvu ingabo zabo ziri mu burasirazuba bwa Congo.

Mu itangazo ryasohotse i Kinshasa, Enock Ruberangabo Sebineza na Jean Scohier Muhamiriza bavuga ko ingabo z’u Rwanda n’abo bafatanyije bo muri M23 zavuye mu bice bimwe byo mu kibaya cya Rusizi, muri teritwari ya Uvira, zisaba bamwe mu borozi b’Abanyamulenge kuziherekeza berekeza mu Rwanda.

Abo bayobozi kandi banenga bamwe mu barwanyi ba Wazalendo bavuga ko bakomeje gukwirakwiza amagambo afata Abanyamulenge nk’abanyamahanga. Bavuga ko ibyo bishyira umuryango wabo mu kaga ko kwibasirwa.

Abashyize umukono kuri iri tangazo basaba amahanga kongera igitutu kuri Kigali kugira ngo ingabo z’u Rwanda zive ku butaka bwa Kongo, banasaba Leta ya Congo kugarura umutekano no guteza imbere ibiganiro hagati y’abaturage bo muri Kivu y’Amajyepfo.

Leta y’u Rwanda ivuga ko yashyize muri Kongo ingamba z’ubwirinzi ku mpamvu z’umutekano wayo.