Agasaro

« Ubutegetsi ntibwanyizeraga; bwatinyaga ko nzabwira amahanga uko imfungwa zifashwe » : Amb. Kabanda

Team Agasaro — Fri, 17 Jul 2026 03:14:16 GMT

Turakira ku nshuro ya kabiri Ambasaderi Célestin Kabanda, mu kiganiro « Abiyemeje kuvuga ukuri kuri Kudeta yo mu 1973 ».
Nyuma ya Kudeta yo mu 1973, Célestin Kabanda yagizwe Perefe wa Perefegitura ya Ruhengeri. Mu mpera z’umwaka wa 1974, yimuriwe kuba Perefe wa Perefegitura ya Gikongoro.
Ahamya ko, nubwo yari afitiwe icyizere kubera ubunararibonye yari afite mu kazi ka Leta, ubutegetsi bushya butamwizeraga. Avuga ko bwatinyaga ko yashoboraga kuzamenyesha amahanga ibyaberaga muri gereza ya Ruhengeri n’uburyo imfungwa zari zifashwe.
Mu 1976, yagizwe Ambasaderi w’u Rwanda muri Libiya. Mu 1979, yagizwe Ambasaderi muri Etiyopiya, anahagararira u Rwanda mu Muryango w’Ubumwe bwa Afurika, OAU.
Mu 1984, yasubiye i New York agirwa Ambasaderi w’u Rwanda mu Muryango w’Abibumbye, Loni, ari ubwa kabiri yari ahawe uwo mwanya. Mu 1988, yagizwe Ambasaderi w’u Rwanda mu Misiri, umwanya yakomejeho kugeza agiye mu kiruhuko cy’izabukuru mu 1991.
Muri iki kiganiro, Ambasaderi Kabanda avuga ko Leta y’u Rwanda yari ifite uruhare rutaziguye mu iyicwa ry’imfungwa za politiki. Ashimangira ko ukuri ku byabaye kugomba kuvugwa no kumenyekana, kugira ngo amateka atazibagirana cyangwa ngo agorekwe.

"Bangize Perefe wa Ruhengeri, mpava ntasuye gereza yari ifungiwemo abanyapolitiki": Amb.C.Kabanda

Venuste Nshimiyimana — Mon, 13 Jul 2026 20:40:43 GMT

Umutumirwa wacu mu ruhererekane rw'ibiganiro bigamije gusobanukirwa ukuri ku Kudeta yo ku wa 5 Nyakanga 1973 ni Ambasaderi Célestin Kabanda, umwe mu bayobozi bakuru bakoranye bya hafi na ba Perezida ba Repubulika ya Mbere. Yabaye Umunyamabanga wihariye wa Perezida Dominique Mbonyumutwa, nyuma aba Umunyamabanga wa Guverinoma ku butegetsi bwa Perezida Grégoire Kayibanda. Mu 1964, afite imyaka 28 gusa, yagizwe Ambasaderi w'u Rwanda muri Leta Zunze Ubumwe za Amerika, anahagararira u Rwanda muri Loni no muri Canada. Yabaye kandi Ambasaderi mu Bufaransa, Libiya, Ethiopia, Misiri no muri Loni inshuro ebyiri. Nyuma ya Kudeta yo mu 1973 yagizwe Perefe wa Ruhengeri, aho avuga ko n'ubwo yari umuyobozi w'iyo perefegitura, atigeze ahabwa uburenganzira bwo gusura gereza yari ifungiwemo abanyapolitiki. Ubu ahishura ibyo yiboneye n'ibyo azi ku bihe bikomeye u Rwanda rwanyuzemo nyuma y'iyo kudeta.

Kuki Mariam Wangadya yeguye? Ese byerekana ikibazo gikomeye mu miyoborere ya Uganda?

Venuste Nshimiyimana — Mon, 13 Jul 2026 14:08:15 GMT

Uganda iri mu bihe bikomeye nyuma y’uko Mariam Wangadya yeguye ku mwanya w’Umuyobozi wa Komisiyo y’Igihugu ishinzwe Uburenganzira bwa Muntu (UHRC). Yeguye nyuma y’igihe havugwa amakimbirane hagati y’abakomiseri, ibirego byo kunyereza umutungo no gukoresha nabi ububasha—ibyo we yahakanye—hamwe n’igitutu cyakomeje kwiyongera. Hari n’abibaza niba ibaruwa yandikiye Umugaba Mukuru w’Ingabo amusaba kurekura cyangwa kugeza imbere y’ubutabera Eddie Mutwe, yaba yaragize uruhare muri iki cyemezo.

Jean-Paul Niyigena: Ubumwe bwa OIF na IPEA bushobora guhindura uburezi muri Afurika

Venuste Nshimiyimana — Sun, 12 Jul 2026 01:05:24 GMT

Umuryango Institut Pacte Éducatif Africain (IPEA), uyobowe na Cardinal Antoine Kambanda, urashaka gukorana n’Umuryango Mpuzamahanga w’Ibihugu bikoresha Igifaransa (OIF) mu guteza imbere uburezi bugamije amahoro muri Afurika. Mu nama yabereye i Paris, impande zombi zaganiriye ku buryo bwo guhugura abarimu, guteza imbere ikoranabuhanga mu burezi no gushaka inkunga mpuzamahanga yo gushyira mu bikorwa uwo mushinga. Turaganira na Jean-Paul Niyigena, Umujyanama wa Papa mu bijyanye n’uburezi akaba n’umuhuzabikorwa wA ‘Institut Pacte Éducatif Africain, kugira ngo adusobanurire akamaro k’iyi gahunda n’icyo ishobora guhindura mu burezi no kubaka amahoro ku mugabane wa Afurika.

“Urubyiruko rw’Abanyamulenge rureke intambara, ruharanire amahoro.” — Hon. Enock Ruberangabo Sebineza

Venuste Nshimiyimana — Wed, 08 Jul 2026 23:10:19 GMT

Umuryango Shikama Banyamulenge de Kinshasa wasohoye itangazo rihamagarira Abanyamulenge bo muri Repubulika a demokarasi ya Kongo no mu mahanga gushyigikira inzira z’amahoro no kwamagana ibikorwa byose bishora urubyiruko mu mitwe yitwaje intwaro.

Iryo tangazo rinamagana imvugo z’urwango, rishimangira akamaro k’ibiganiro hagati y’abaturage b’uturere twa Kivu, ndetse rigaragaza impungenge ku makuru avuga ko hari abashishikariza urubyiruko kujya mu ntambara.

Muri iki kiganiro, Perezida wa Shikama Banyamulenge de Kinshasa, Hon. Enock Ruberangabo Sebineza, asobanura impamvu y’iri tangazo, ubutumwa bugenewe Abanyamulenge, n’icyo ashobora kuba asanga ari inzira irambye yo kubaka amahoro mu burasirazuba bwa Repubulika ya demokarasi ya Kongo.

"Perezida Kayibanda yanze ko tuburizamo Kudeta": Lt. Christophe Hakizabera"

Venuste Nshimiyimana — Tue, 07 Jul 2026 03:24:59 GMT

Muri icyi kiganiro, Lt. Christophe Hakizabera aragaruka ku byaranze amasaha ya nyuma mbere ya kudeta yo ku wa 5 Nyakanga 1973. Avuga ko yasabye Perezida Kayibanda guhangana n’abashakaga gukora kudeta, maze ngo amusubiza agira ati: “Aho guha ubutegetsi Inyenzi, mureke Abakiga babufate; nibashaka batwice, batumare.”

Asobanura kandi uko yasubiye i Byumba avuye i Kigali hasigaye amasaha make ngo ubutegetsi buhinduke, n’uko Koloneli Kanyarengwe yageze ku kigo cya gisirikare cya Byumba ashakisha umupfumu wavugwaga ko aragurira abasirikare bakuru.

Aravuga kandi uko yirukanywe mu gisirikare, uko uwari Perefe wa Kibuye, Protais Zigiranyirazo, yamuburiye hakiri kare kugira ngo ahunge, icyo azi ku rupfu rwa Perezida Juvénal Habyarimana, uko yatahanye n’Inkotanyi mbere yo kongera guhunga, ndetse n’ubuhanuzi bwa Sebutaruka wavuze ko Inkotanyi zizataha Perezida Habyarimana amaze gupfa.

Ni ikiganiro kirimo ubuhamya n’ibitekerezo ku bihe by’ingenzi byaranze amateka y’u Rwanda.

Perezida Evariste Ndayishimiye yakiriye abatavuga rumwe na Leta ya Kinshasa

Venuste Nshimiyimana — Sun, 05 Jul 2026 23:28:23 GMT

Abayobozi b’amashyaka atavuga rumwe na Leta ya Repubulika ya demokarasi ya Kongo, ari mu ihuriro C64 rirwanya umugambi wo guhindura Itegeko Nshinga, bari i Bujumbura mu Burundi mu nama iteganyijwe gutangira kuri uyu wa mbere.

Biteganyijwe ko bazahura na Perezida w’u Burundi, Evariste Ndayishimiye, usanzwe anayoboye Umuryango wa Afurika Yunze Ubumwe.

Hagati aho, i Kolwezi, ubuyobozi bwabujije ihuriro C64 gukora urugendo rwari ruteganyijwe kuri uyu wa gatatu, rugamije gusaba Perezida Félix Tshisekedi kwegura. Abayobozi bavuga ko icyo cyemezo cyafashwe kubera impungenge z’ikwirakwira ry’indwara ya Ebola.

Imyigaragambyo muri Afurika y’Epfo yatumye Abanyafurika ibihumbi bahunga

Team Agasaro — Wed, 01 Jul 2026 00:51:07 GMT

Ku wa Kabiri, abantu ibihumbi n’ibihumbi bakoze imyigaragambyo mu mijyi itandukanye yo muri Afurika y’Epfo, basaba ko abanyamahanga badafite ibyangombwa bava muri icyo gihugu. Iyo myigaragambyo yakurikiye ibikorwa bimaze ibyumweru biyobowe n’amatsinda y’abaturage yiyita ko arengera inyungu z’abaturage, yari yashyizeho itariki ya 30 Kamena nk’igihe ntarengwa abanyamahanga badafite ibyangombwa bagombaga kuba bavuye mu gihugu. Ibyo bikorwa byatumye abantu ibihumbi bahunga ingo zabo, kandi bivugwa ko byahitanye abantu bane. Polisi yari yoherejwe ku bwinshi hirya no hino mu gihugu kugira ngo ikumire indi mirwano.

Ikibazo cy’Abanyamulenge: uko Jean-Paul Shaka na Cedric Muyoboke bagisobanura

Team Agasaro — Tue, 30 Jun 2026 00:32:09 GMT

Nyuma y’imyaka ine y’intambara mu burasirazuba bwa Kongo, ku nshuro ya mbere impande ebyiri z’Abanyamulenge zifite ibitekerezo bihabanye zirahuye mu kiganiro mpaka.

Me Jean-Paul Shaka, uhagarariye uruhande rwa Alliance Fleuve Congo / M23, araganira na Cedric Muyoboke, umukozi wa Leta i Kinshasa.

Ese Abanyamulenge bari kurengerwa cyangwa bari gukoreshwa? Ese M23 irabarengera cyangwa yongera umuriro w’intambara? Ese amahoro aracyashoboka?

Ni ikiganiro kigaragaza aho buri ruhande ruhagaze, bagiranye na mugenzi wacu Venuste Nshimiyimana.

“Ikirego cya Kongo nticyakwakirwa u Rwanda rumbyanze”|Uganda: Itangazamakuru ryigenga mu mazi abira

Venuste Nshimiyimana — Mon, 29 Jun 2026 00:28:18 GMT

Ikigo gikomeye cy’itangazamakuru cyigenga muri Uganda cyatangaje ko “cyagabweho igitero cya gisirikare” nyuma y’uko umugaba mukuru w’ingabo za Uganda, Jenerali Muhoozi Kainerugaba, ategetse guhagarika ibikorwa byacyo. Abasirikare bitwaje intwaro bagose ibiro bya Nation Media Group i Kampala, bituma NTV Uganda na Spark TV bihita bihagarika ibiganiro. Ibi byateje impungenge zikomeye ku bwisanzure bw’itangazamakuru muri Uganda.

Hagati aho, Repubulika ya Demokarasi ya Kongo yareze u Rwanda mu Rukiko Mpuzamahanga rw’Ubutabera ruri i La Haye, irushinja kurenga ku masezerano mpuzamahanga. Kinshasa ivuga ko Kigali yohereje ingabo zayo ndetse ikanashyigikira imitwe yitwaje intwaro ikorera mu burasirazuba bwa Kongo—ibyo u Rwanda rwakomeje guhakana.

Umunyamategeko Ernest Sagaga asobanura ko, mu gihe u Rwanda rwaba rutemeye ububasha bw’urwo rukiko, ikirego cya Kongo gishobora kutakirwa.

“Abasirikare bategetswe kwica abari muri Leta ya Perezida Kayibanda barabitubwiye”: Col.Ndengeyinka

Venuste Nshimiyimana — Sun, 28 Jun 2026 01:37:07 GMT

Murakaza neza mu kiganiro cya cumi cyihariye: “Abiyemeje Kuvuga Ukuri kuri Kudeta ya 1973.”
Mu kiganiro cy’uyu munsi, turakira umutangabuhamya, Colonel BEM Balthazar Ndengeyinka. Turaganira ku ruhare abasirikare bagize mu kwica abafunzwe nyuma ya kudeta yo muri 1973.
Aratanga amakuru ku biciwe i Rwabayanga, n’abiciwe kuri Nyamagumba, ndetse n’uruhare rwa Lieutenant Sinon Habyarimana, urwa Sergent Reyo, urwa Kapiteni Buseruka, n’abandi, aho avuga ko bahabwaga amabwiriza na État-Major.
Colonel BEM Ndengeyinka, wakoranye na Colonel Laurent Serubuga, wari wungirije umugaba mukuru w’ingabo, avuga ko amaze kubwirwa na Sergent Reyo ko yategetswe kwica abanyapolitiki, yahise abwira abanyeshuri yayoboraga muri ESO ko nta musirikare ugomba kwemera kubahiriza amabwiriza ahabwa n’umumukuriye igihe ayo mabwiriza adakurikije amategeko.

Honorable Rutazana yamaganye imisoro n’amadolari 100 abangamira ubuhahirane na Tanzaniya mu karere

Team Agasaro — Sat, 27 Jun 2026 00:28:01 GMT

Raporo nshya y’ubugenzuzi yakozwe n’Inteko Ishinga Amategeko y’Umuryango wa Afurika y’Iburasirazuba (EALA) igaragaza ko, nubwo hari intambwe imaze guterwa mu koroshya ubuhahirane mu karere, hakiri imbogamizi zikomeye zirimo ubucucike ku mipaka, ikoranabuhanga ridahuzwa hagati y’ibihugu, ruswa, ndetse n’inzira zitemewe zikoreshwa mu bucuruzi bwa magendu.

Honorable Francine Rutazana, uyobora Komite ishinzwe ubucuruzi muri EALA, arasobanura ibikubiye muri iyi raporo n’icyo isobanuye ku baturage n’abacuruzi bo mu karere.

Avuga ko amafaranga 100 by’amadolari y’Amerika Abanyarwanda bishyura bajya muri Tanzaniya mu gihe cy’amezi atatu, kimwe n’imisoro Abarundi bishyura bajyanye ibicuruzwa muri Tanzaniya, bikwiye kuvaho.

Aragaruka kandi ku ngingo ikomeye ku bukungu n’ubuhahirane mu karere k’Afurika y’Iburasirazuba: imikorere y’imipaka ya One Stop Border Posts (OSBP), yoroshya urujya n’uruza rw’abantu n’ibicuruzwa hagati y’ibihugu.

Agasaro Actu 24.06.2026

Venuste Nshimiyimana — Wed, 24 Jun 2026 01:11:26 GMT

Agasaro Actu 23.06.2026

Team Agasaro — Tue, 23 Jun 2026 01:20:31 GMT

Listen now |

Nduhungirehe ku mubano mushya wa Afurika y’Epfo, Kongo n’u Burundi: Ikiganiro cyihariye

Team Agasaro — Tue, 23 Jun 2026 00:58:41 GMT

U Rwanda na Afurika y’Epfo byatangaje intambwe nshya mu kuzahura umubano wabyo mu bya dipolomasi, ubukungu n’imikoranire hagati y’abaturage. Mu biganiro byabereye i Pretoria, impande zombi zanagarutse ku kibazo cy’umutekano mu burasirazuba bwa Rep8bulika ye demokarasi ya Kongo. Muri iki kiganiro cyihariye, Minisitiri w’Ububanyi n’Amahanga n’Ubutwererane w’u Rwanda, Amb. Olivier Jean-Patrick Nduhungirehe, aragaruka kandi ku mubano w’u Rwanda n’Burundi, mu gihe Gitega ikomeje gushinja Kigali gushyigikira umutwe wa RED-Tabara. Arashinja Kinshasa kutubahizia amasezerano yo guhagarika intambara.

“Serge Ndayizeye yitwaye nabi, niyo mpamvu yirukanwe mu Ihuriro Nyarwanda” — Dr Etienne Mutabazi

Venuste Nshimiyimana — Mon, 22 Jun 2026 13:38:44 GMT

Nabakirikiye ikiganiro n’umunyamabanga mukuru w’Ihuriro Nyarwanda, RNC, Dr Etienne Mutabazi, nyuma y’ikiganiro twagiranye na Serge Ndayizeye, uherutse gusezera ku buyobozi bwa Radio Itahuka.

Gusezera kwe kwakurikiwe no kwirukanwa mu Ihuriro Nyarwanda. Mu kiganiro yagiranye n’umunyamakuru wacu Venuste Nshimiyimana, Dr Mutabazi yavuze ko nyuma yo kwegura k…

Agasaro Actu 22.06.2026

Venuste Nshimiyimana — Sun, 21 Jun 2026 23:44:52 GMT

Listen now |

“Ndatabariza Victoire Ingabire ariko na Deo Mushayidi ageze ahakomeye namuvugira”: Justin Bahunga

Venuste Nshimiyimana — Sun, 21 Jun 2026 22:38:18 GMT

Umuryango Fondation Victoire pour la Paix washimiye abantu bose uvuga ko bakomeje gushyigikira Victoire Ingabire Umuhoza, wemeza ko ubufatanye bwagaragajwe mu byumweru bishize bwatanze icyizere ku baharanira ubutabera no kwagura urubuga rwa demokarasi mu Rwanda. Mu kiganiro cyihariye na Radiyo Agasaro Kaburaga, Justin Bahunga. Umuvugizi wa Fondation Vi…

“ Perezida Kagame yagumana ubutegetsi aho kugirango RNC ibufate”: Serge Ndayizeye

Venuste Nshimiyimana — Sun, 21 Jun 2026 12:54:30 GMT

Hashize amezi atandatu Serge Ndayizeye yanditse ibaruwa asezera mu Ihuriro Nyarwanda (RNC), ishyaka yari amazemo imyaka 16, aho yari n’umunyamabanga wungirije. Ku itariki ya 19 Kamena, ni bwo biro politiki y’Ihuriro Nyarwanda yafashe icyemezo cyo kumwirukana burundu muri iryo huriro. Mu byo aregwa harimo kugumana umutungo w’ishyaka, cyane cyane Radio Itahuka, akayigira iye bwite.Mu ibaruwa Serge Ndayizeye yanditse ku itariki ya 17 Kamena, yanditse yitandukanya n’abayobozi ba biro ya Komite Nshingwabikorwa ya RNC. Uko iyo baruwa yakiriwe, twabiganiriyeho na Etienne Mutabazi, umunyamabanga mukuru w’Ihuriro Nyarwanda. RNC ivuga ko imiryango igifunguye kuri Serge Ndayizeye aramutse ashaka kugaruka, ariko na we yamaze gufata icyemezo ntakuka. Avuga ko aho kugirango RNC ifate ubutegetsi mu Rwanda, Perezida Kagame yabugumana.

“Perezida Kayibanda abaza Habyarimana ati: “Hazaba ka Kudeta ?”

Team Agasaro — Fri, 19 Jun 2026 16:06:14 GMT

Iki kiganiro kiribanda ku makuru Perezida Grégoire Kayibanda yari afite ku mugambi wo kumuhirika—amakuru yahawe na Aloys Rukebesha ubwe, nyuma yo kubona ko Padiri Naveau ashobora kuba afite umugambi mubisha.
Turagaruka kandi ku buryo Kayibanda yabajije Juvénal Habyarimana mu ruhame niba koko ategura kudeta—mu gihe hari hasigaye amezi atatu gusa ngo iyo k…